હું ક્યારેય સૌથી અમીર વ્યક્તિ નહીં બની શકું,આનંદ મહિન્દ્રાએ કેમ આવું કહ્યું?

ભારતના અગ્રણી ઉદ્યોગપતિઓમાંના એક અને મહિન્દ્રા ગ્રૂપના ચેરમેન આનંદ મહિન્દ્રા સોશિયલ મીડિયા પર ખૂબ જ એક્ટિવ રહે છે અને ઘણી વખત અનેક ફની ટ્વિટ કરે છે.

તે યુઝર્સ દ્વારા પૂછવામાં આવેલા પ્રશ્નોના જવાબો પણ આપે છે. તેમણે 11 ડિસેમ્બરે પોતાના ટ્વીટમાં કંઈક આવું જ કર્યું છે. એક યુઝરે તેમને પૂછ્યું હતું કે તેઓ ભારતના સૌથી અમીર વ્યક્તિ ક્યારે બનશે? આ અંગે તેમણે જવાબ આપ્યો છે. 

ઉદ્યોગપતિ આનંદ મહિન્દ્રાએ યુઝરના જૂના ટ્વીટનો જવાબ આપતા કહ્યું કે સત્ય એ છે કે હું ક્યારેય સૌથી અમીર વ્યક્તિ નહીં બની શકું, કારણ કે તે ક્યારેય મારી ઈચ્છા નહોતી. હકીકતમાં, ફોર્બ્સની યાદી અનુસાર, આનંદ મહિન્દ્રા $2.1 બિલિયનની નેટવર્થ સાથે 91મા સ્થાને છે. ફોર્બ્સ ઈન્ડિયાએ 29 નવેમ્બરના રોજ ઈન્ડિયા રિચ લિસ્ટ 2022 બહાર પાડ્યું હતું. યાદી અનુસાર, ભારતના 100 સૌથી ધનિક લોકોની કુલ સંપત્તિ 800 અબજ ડોલર છે. 

લોકોએ પ્રશંસા કરી 

આનંદ મહિન્દ્રાના જવાબ બાદ સોશિયલ મીડિયા પર તેની પ્રશંસા થઈ રહી છે. એક યુઝરે લખ્યું કે આનંદ મહિન્દ્રા આપણા દેશ અને રાષ્ટ્ર માટે તેમના યોગદાન વિશે વાત કરે છે પરંતુ સૌથી અમીર રેન્ક પર નહીં, અમે હંમેશા તમારી અને રતન ટાટાની પ્રશંસા કરીએ છીએ અને તમે લાંબુ અને સુરક્ષિત જીવન જીવો. 

બીજાએ લખ્યું છે કે તમારું હૃદય તમારો ખજાનો છે! તમે અમારા દિલ જીતી લીધા છે. આ સિવાય કેટલીક અન્ય કોમેન્ટ્સમાં કહેવામાં આવ્યું હતું કે આનંદ સર રતન ટાટા સર જેવા છે. અમીર બનવાનો કોઈ લોભ નથી અને સામાન્ય જીવન માટે કોઈ ડર નથી. આવા લોકો સારા ભવિષ્ય માટે કામ કરે છે. તો અન્ય એક યુઝરે લખ્યું છે કે મને નથી લાગતું કે જે લોકો ત્યાં પહોંચ્યા છે તેઓ અમીર બનવાનું વિચારી રહ્યા હતા. આશા છે કે, તમે પણ તેમના જેવું વિચાર્યા વિના સૌથી અમીર વ્યક્તિ બની શકો. 

આનંદ મહિન્દ્રા મહિન્દ્રા એન્ડ મહિન્દ્રા ગ્રુપના ચેરમેન છે. મહિન્દ્રા ભારત અને વિદેશી બજારોમાં 2024 અને 2026ની વચ્ચે પાંચ નવી ઇલેક્ટ્રિક SUV લોન્ચ કરવા જઈ રહી છે. ટ્વિટર પર તેના 10 મિલિયનથી વધુ ફોલોઅર્સ છે.